Psalms 73

KITABU CHA TATU

(Zaburi 73–89)

Haki Ya Mungu

Zaburi ya Asafu.

1 ^aHakika Mungu ni mwema kwa Israeli,
kwa wale ambao mioyo yao ni safi.

2 ^bBali kwangu mimi, miguu yangu ilikuwa karibu kuteleza;
nilikuwa karibu mguu wangu kuachia uliposimama.
3 ^cKwa maana niliwaonea wivu wenye kujivuna
nilipoona kufanikiwa kwa waovu.

4Wao hawana taabu, ▼

▼Tafsiri nyingine zinasema: hawana maumivu katika kufa kwao.

miili yao ina afya na nguvu.
5 ^eHawapati shida zinazowataabisha watu wengine,
wala hawapati mapigo kama wanadamu wengine.
6 ^fKwa hiyo kiburi ni mkufu wao,
wamejivika jeuri.
7 ^gUovu hutoka katika mioyo yao iliyokufa ganzi,
majivuno maovu kutoka mioyoni mwao hauna kikomo.
8 ^hHudhihaki na kusema kwa ukorofi,
katika majivuno yao wanatishia kutesa.
9 ⁱVinywa vyao huweka madai hata kwa mbingu,
nazo ndimi zao humiliki duniani.
10Kwa hiyo watu wao huwageukia
na kunywa maji tele. ▼

▼Au: na kupokea yote wasemayo.

11 ^kWanasema, “Mungu awezaje kujua?
Je, Yeye Aliye Juu Sana anayo maarifa?”

12 ^lHivi ndivyo walivyo waovu:
siku zote hawajali,
wanaongezeka katika utajiri.

13 ^mHakika nimeuweka moyo wangu safi bure,
ni bure nimenawa mikono yangu nisiwe na hatia.
14 ⁿMchana kutwa nimetaabika,
nimeadhibiwa kila asubuhi.

15Kama ningesema, “Nitasema hivi,”
ningelikuwa nimewasaliti watoto wako.
16 ^oNilipojaribu kuelewa haya yote,
yalikuwa magumu kwangu kuelewa.
17 ^pMpaka nilipoingia patakatifu pa Mungu,
ndipo nilipotambua mwisho wao.

18 ^qHakika unawaweka mahali pa utelezi,
unawaangusha chini kwa uharibifu.
19 ^rTazama jinsi wanavyoangamizwa ghafula,
wanatoweshwa kabisa na vitisho!
20 ^sKama ndoto mtu aamkapo,
hivyo wakati uinukapo, Ee Bwana,
utawatowesha kama ndoto.

21Wakati moyo wangu ulipohuzunishwa,
na roho yangu ilipotiwa uchungu,
22 ^tnilikuwa mpumbavu na mjinga,
nilikuwa mnyama mkatili mbele yako.

23 ^uHata hivyo niko pamoja nawe siku zote,
umenishika mkono wangu wa kuume.
24 ^vUnaniongoza kwa shauri lako,
hatimaye utaniingiza katika utukufu.
25 ^wNani niliye naye mbinguni ila wewe?
Dunia haina chochote ninachokitamani ila wewe.
26 ^xMwili na moyo wangu vyaweza kushindwa,
bali Mungu ni nguvu ya moyo wangu
na fungu langu milele.

27 ^yWale walio mbali nawe wataangamia,
unawaangamiza wote wasio waaminifu kwako.
28 ^zLakini kwangu mimi,
ni vyema kuwa karibu na Mungu.
Nimemfanya Bwana Mwenyezi kimbilio langu;
nami nitayasimulia matendo yako yote.